"నిరీక్షణ"

మూతపడ్డ కన్నుల వెనుక

రంగు రంగుల స్వప్నం..



గాయపడిన మనసు

చిత్రాన్ని చిత్రించదు..



ఊహకందని స్వప్నం

రంగుల మిళితం కాలేదు..



ఏనాడూ అందని, దరికి రాని,

సంతోషాల మద్య, నిశీధి వెంటాడుతూ..



నిదుర రాని రేయిలో

ప్రతీ క్షణం మేల్కొపులోనే సాగితే..



ఉదయారుణ కిరణాన్ని

మనసుకి అద్దుకుని..



మరలా, ప్రయాణాన్ని సాగిస్తూ,

భవిష్యత్ ఆకాంక్షలనే ఆశిస్తూ..



ఆగని, పయనంలో

బ్రతుకంతా ఎడారిమయం..



చల్లని నీటి బిందువుల కోసం..

అలసినా, ఆగని నిరీక్షణ.