ప(ని)సి పిల్లలం....

పనిపిల్లలం కాదు
పసిపిల్లలం మేం..

కన్నప్రేగు బాధ దిగమింగి..
పిడికెడు మెతుకుల కోసం
బ్రతుకును తనకా పెట్టిన
అమ్మ నాన్న కోసం..
పనిచేస్తున్నాం మేం..  

అన్నం పెట్టిన చేయి
హింసకు (మానసిక) గురిచేస్తుంటే..
అమ్మకు నాన్నకు చెప్పలేక
వసివాడుతున్న పసికందులం మేం..

మీ సేవలో మా బాల్యం
మసి బారింది..
మాబ్రతుకు  బండి
గాడి తప్పింది..

మీ బిడ్డల సహచరులం..
మీరందించే ఆప్యాయతకు
అనర్హులం  కాదు మేం..

పనిపిల్లలం కాదు
పసి  పిల్లలం మేం..

(పని  చేస్తున్న ఓ చిన్నారి
కంట తడి చూసి..
నా అశ్రువులీ అక్షరాలు..)