ఛెలికాడు..

కంటినిండా నీరుబికి,
దృశ్యం కరువైనపుడు..

చేతులు సంకెళ్లుబడి,
చేతనావస్ధ కోల్పోయినపుడు..

కాళ్లు కదలక అర్ధ శరీరం,
ఊబిలో దిగిపోయినట్లున్న క్షణం..


నీ కోసం నేనున్నానంటూ,
తానొచ్చి ఎదురు నిలబడి..

చిటికెని వ్రేళితో,
కష్టాల కన్నీటిని తుడిచేస్తే..

మాటలు రాలేని నా మౌనంతో,
మనసులోనే అనుకున్నా..

నీ రుణం తీర్చుకోలేను నేస్తం,
బ్రతుకంతా ఊడిగం చేసినా..

( నా సోదరుని జన్మదిన కానుకగా...)