రగిలే గుండెలు..

గత చరిత్ర
చివరి శ్వాస వరకు సేవలు చేస్తూ మగ్గిన
కట్టు బానిసత్వపు రక్త చారిక..

ప్రాంతీయ ఘర్షణలు
కుల మతాల కార్చిచ్చులూ
తీరని అధికార దాహం కోసం
కుతంత్రాల పన్నాగమేదైనా
నిత్యం సమిధులమవుతున్నాం..

గుడెసెల్ని తగులబెట్టి
వాడల్ని కనుమరుగు చేసి
కబ్జాల క్రింద భూమినాక్రమించి
నిర్మించిన (కలల) సౌధం నిలువదెంతో కాలం..

రక్తం లావాలా ప్రవహిస్తే
నరాలే సంకెళ్లై ఉసురు పోతున్న క్షణం
నిరుపేద గుండె పొరలలో ఎగసిన మంటలకు
నిలువునా ఆహుతైపోతుంది..