అర్ధాయుష్మాన్ భవః

అగ్ని పర్వతాలే లోన దాచుకున్నా
ప్లాస్టిక్, పాలిధీన్ అరగక సతమతమవుతున్నా..

గ్రహాలు, నక్షత్రాలు ఎన్నున్నా
అణ్వాయుధాల బరువు మోయలేకున్నా..

పొగలు, సెగలు మింగి చల్లని గాలినిస్తున్నా
విష వాయువుల ధాటికి తాలలేకున్నా..

చెట్లన్నీ నరకబడి, ఉనికిని కోల్పోయినా
కాల్చిన మంటలకే కరిగిపోతున్నా..

వాగులు వంకలు నదీ నదాలనైనా
కృత్రిమ రసాయనాల్ని మింగలేకున్నా..


సాంకేతిక పరివర్తనలో, సహజ సంపదలమైన మేం..

మీకిస్తున్నాం ఓ వరం, అర్ధాయుష్మాన్ భవః


(ధరిత్రీ దినోత్సవం సందర్భంగా,
గ్లోబల్ వార్మింగ్ హెచ్చరికగా..)