అరుణ తారలు..

నాటి సామ్రాజ్య విస్తరణలో
పోరాడిన సమిధులం

పరాయి పాలన నుండి
విముక్తి కోరిన విప్లవ యోధులం

నేటి స్వార్ధ రాజకీయాలలో
నిజం చెప్పినందుకు, మేం తీవ్రవాదులం

నాటికీ, నేటికీ, ఎన్నటికీ
వీడనిదీ ఉద్యమ బాట

నిత్యం చైతన్య స్పూర్తితో
అణువణువూ రగులుతుంటే

అన్నార్తుల ఆహాకారాలు
శ్రమజీవుల ఆర్తనాదాలతో

అణగారిన జనజీవనంలో
మార్పు కోసమే యత్నిస్తూ

కాలగర్భంలో కలసిపోయినా
అనునిత్యం వెలుగొందే అరుణతారలం