ఆక్రందన..

ప్రేమించాననక పోతే..
యాసిడ్ పోస్తానంటాడొకడు,

మాట్లాడక పోతే..
గొంతు కోస్తానంటాడింకొకడు,

వసతి గ్రుహంలో.. వేధించే వాడొకడు,

కార్యాలయంలో.. హింసించే వాడొకడు,

అరవై దాటినా ఆశగా చూసే వాడొకడు..

రక్షించాల్సింది పోయి, భక్షించే వాడొకడు,

మా కన్నీళ్లతో కడుపు నింపుకొనే వాడొకడు..

పుట్టుక మూలాల్నే మరచిన వారు మీరు,
కన్నపేగు బంధాన్ని కాల రాసిన వారు మీరు..

ఆలనా పాలనా చూసిన మేం..
ఆటబొమ్మలమనుకుంటే..

మా ఆక్రందనలే ఆవేశమైతే,
ఉక్రోషం ఉప్పెనైతే..
మీ బ్రతుకులకు చిరునామా ఉండదు..